Тиймээ, энэхүү хуудас бол "мэдлэгийн сан". Мэдлэг гэдэг бол технологи, нийгэм хөгжихийн хирээр хамгийн үнэт оюунлаг баялаг болсоор ирсэн билээ. Мэдлэг гэдэг бол хэн нэгний хувийн өмч биш юм. Тэрхүү мэдлэгээс өөртөө шингээн авахыг СУРАХ гэх, бусдад түгээхийг СУРГАХ гэх аж. Иймээс мэдлэгийг хэн ч олж авахад нээлттэй.

Манай USI ХХК нь Японоос аутсоорсингоор Програм Хангамжийн Хөгжүүлэлтийн ажил авч гүйцэтгэх үйл ажиллагаа явуулдаг билээ. Иймээс бидний үйл ажиллагаа веб дээр суурилсан, тархсан хэлбэрээр явагддаг өвөрмөц онцлогтой компани юм.

Манай компани үйл ажиллагаагаа явуулахдаа олж хуримтлуулж буй мэдлэгээ зөвхөн компаний явцуу хүрээнд хэрэглэх, бүрдүүлэх өчүүхэн бодлыг үл агуулан Монгол ахан дүүсдээ өчүүхэн ч атугай хэрэг болох болтугай гэсэн сэтгэлээр энэхүү вебийг үүсгэн та бүхний өмнө өргөн танилцуулж байна.

Энэхүү веб дэхь мэдлэгийг баяжуулахаар бид өдөр бүр хичээн ажиллаж байгаа бөгөөд та бүгдийг хамтран ажиллана гэдэгт манай хамт олон болон бусад мэргэжил нэгт нөхөд тань итгэж байна.

Бид програмчлалтай холбоотой бүх асуулт асуудалуудыг хэлэлцэх зорилгоор dn-usi ат google цэг groups цэг com майлын лист үүсгэж байна. Та энэ листэнд бүртгүүлсэнээр мэдээлэл авах болон өөрт тулгараад байгаа асуудал, бэрхшээл мөн олсон шийдэлүүдээ бидэнтэй хуваалцах боломжтой болно. Листэнд бүртгүүлэхийн тулд http://groups.google.com/group/dn-usi хаягтуу орж майлын бүлгэмд элсэх боломжтой.